Það snjóar og snjóar og snjóar......

Ágæta gönguskíðafólk loks fór að snjóa hér á horninu og er ánægulegt að sjá að 180 hafa litið inn á síðuna okkar í dag sem segir mér að fólk er að vænta frétta af skíðafæri.

Ég hef verið í sambandi við Bláfjallmenn í dag og það bendir allt til þess að ef ekki verður skafrenningur seinnipartinn á morgun að þá verði lagt spor a.m.k. umhverfis Sléttuna. Upplýsingar um það fæ ég um leið og það er ljóst og mun koma þeim hér á framfæri.

Útlit með veður um helgina lofar held ég líka góða og vonandi getum við notið þess að fara á gönguskíðin og koma skálanum í gagnið. Ef veður leifir verð ég á svæðinu milli kl 17 og 19 á morgun föstudag og stefnt er að því að manna helgina í skálanum og hafa hann opinn fyrir alla sem vilja njóta aðstöðunnar.

Þóroddur F.

Bikarmót Skíðasambands Íslands í skíðagöngu & Meistaramót 11 – 12 ára.

Bikarmót Skíðasambands Íslands í skíðagöngu & Meistaramót 11 – 12 ára fer fram á Dalvík 5. - 7.  mars  2010.

 Dagskrá:  

Föstudagur  5. mars 2010.      Kl. 19:00  Sprettganga, frjáls aðferð.    11 – 12 ára og 13 – 14 ára ganga 800 metra hring, aðrir 1,3 km.

  

Laugardagur 6. mars 2010.    Kl. 13:00

hefðbundin aðferð, einstaklingsstart.

Konur                          7,0 km         Karlar                          15,0 km

Piltar      17-19 ára       10,0 km                  

Stúlkur   15-16 ára       3,5 km              Piltar       15-16 ára       7,0 km                        

Stúlkur   13-14 ára       3,5 km              Piltar       13-14 ára       3,5 km            

Stúlkur   11-12 ára       2.0 km              Drengir   11-12 ára       2.0 km

    

Sunnudagur 7. mars 2010.     Kl. 11:00 

frjáls aðferð, hópstart.             

Konur                         3.5 km                        Karlar                          7.0 km

Piltar     17-19 ára       7.0 km            

Stúlkur 15-16 ára       3.5 km                      Piltar    15-16 ára            7.0 km            

Stúlkur 13-14 ára       3.5 km                      Piltar    13-14 ára         3.5 km            

Stúlkur  11-12 ára       2.0 km                      Drengir 11-12 ára        2.0 km

  

Þátttökutilkynningar í mótin berist fyrir kl. 20:00 þriðjudaginn 2. mars 2010 í tölvupóstfangið:  [e-mail]  eða í síma 868 0251  

Kvennaskíðaganga – Í spor Þórunnar Hyrnu

Laugardaginn 27. febrúar býðst konum kjörið tækifæri til að njóta góðrar útiveru og hollrar hreyfingar með því að skella sér í skíðagöngu í Hlíðarfjalli.          Kvennaskíðagangan – Í spor Þórunnar Hyrnu – verður nú haldin í þriðja sinn. Sem fyrr verður hægt að velja um tvær vegalengdir, 3,5 og 7 km. Upphitun hefst klukkan 12.50 en hægt er að leggja af stað á bilinu 13.00 – 13.30 og gengið er án tímatöku. Þátttökugjald er kr. 1500, frítt er fyrir 14 ára og yngri. Skíðaleiga er á staðnum og einnig er hægt að láta smyrja skíðin gegn vægu gjaldi.Skráning fer fram í gönguhúsi norðan Skíðastaða frá klukkan 12.00 eða á netfanginu [e-mail]          Á miðri leið verður boðið upp á veitingar og þegar í mark er komið verður ýmislegt í boði, glæsileg útdráttarverðlan og fleira. Þetta er kjörið tækifæri fyrir mæðgur, vinkonur, saumaklúbba, vinnustaðahópa, hlaupahópa og fleiri að koma í fjallið og eiga skemmtilega stund saman.

Bláfjallagöngunni - Íslandsgöngunni 27.-28. feb. er frestað

Vegna snjóleysis í Bláfjöllum er Bláfjallagöngunni sem er liður í Íslandsgöngunni frestað. Hvenær hún verður haldin verður að koma í ljós þegar skíðafæri verður komið og að höfðu samráði við mótanefnd SKÍ.

Þóroddur F.

Könnun í ljósi snjóleysis í Bláfjöllum

1. Páll Gíslason (er á leið í opið spor í Vasa), dró spora á eftir bíl inni á Bláfellshálsi um helgina og æfði í góðu spori, hægt er að fá sporann lánaðann hjá honum ([e-mail]) en líklega betra að hafa vélsleða til að draga sporann og kanna snjóalög og færð hjá vélsleðaleigum í Skálpanesi deginum áður í síma 618-7720.

 2. Ferðakostnaður vegna skíðaæfinga félagsmanna. SKRR óskar eftir upplýsingum frá aðildarfélögunum um hver er kostnaður foreldra við að koma börnum á æfingar norður í snjóinn það sem af er vetri og svo vegna æfinga fullorðinna. Ætlunin er að nota m.a. þessar uppl. til að sýna fram á hve brýnt er að fá snjóframleiðslu í Bláfjöllum/Skálafelli. Ullungar eru hvattir til að senda upplýsingar er þetta varðar til Hólmfríðar Völu [e-mail] eða undirritaðs [e-mail] og skulum við miða við að þær berist eigi síðar en á sunnudagskvöld 21. feb. Þessar uppl. kunna líka að skipta okkur gönguskíðafólk máli.

Var að ræða við Ómar í Bljáfjöllum rétt áðan þar er aðeins föl en líklega skautasvell á sléttunni við skálann og þarf því ekki nema eitt gott él þá gæti verið færi á því, það gæti komið í nótt, fylgist því með síðunni.

Þóroddur F.

Góðar fréttir af Bikarmótinu

Til hamingju Gunnar Birgisson með gull í þínum flokki. Ullur átti ekki marga keppendur að þessu sinni enda ekki verið aðstæður hér sunnanlands til æfinga.

Ég fór inn á Bláfellsháls, 2,5 klst. akstur og jeppafæri síðasta spölinn. Á hálsinu sjálfum er varla hægt að tala um skíðafæri en þegar var komið upp í Skálpanes var nægur snjór, harðfenni og nýr snjór til skiptis og þyrfti að vinna snjóinn til að spora en líklega hægt að gera það með vélsleða, þ.e. búa til æfingahring ef áhugi væri á því. Nokkuð langt að fara fyrir einn æfingadag en hugmynd. Við fórum á stálkantaskíðum og gengnum tæplega 30 km en voru aðeins lengur en þau í göngunni á Akureyri.

Þóroddur F.

Íslandsmótið í lengri vegalengdum á Akureyri um helgina

Ullungar eru hvattir til að taka þátt í mótinu, ekki veitir t.d. Vasaförum af æfingunni. Það munu þegar vera skráðir yfir 30 í  30 km gönguna og væri ekki leiðinlegt ef Ullungar kæmu með verðlaun um hálsinn.

Þóroddur F.

Skíðafæri í Skálpanesi-upp af Bláfellshálsi- æfingaferð??

Var að tala við vélsleðaleiguna sem gerir út frá SKálpanesi, ekið upp frá Bláfellshálsi. Góð færð á bílum/jepplingum+ að skálanum þar og nægur snjór ofan við skálann og á jöklinum. Snjórinn frosinn með rennissköflum á köflum en þar sem viðmælandinn þekki ekki til skíðagöngu vildi hann ekki tjá sig um aðstæður til göngu. Ef komið er með spora er hægt að semja um að fá sleða til að leggja spor. Ef einhverjir hafa hug á að fara t.d. á laugardaginn að þá eru starfsmenn komnir á staðinn undir kl 11 um morguninn og þá væri hægt að fara með þeim í að leggja spor einhvern hring, lengd eftir því hvað það tekur langan tím en t.d 5 km hringur ætti að vera ágætt fyrir æfingu.

Ef áhugi er á þessu er best að þið ræðið það hér á síðunni.

Hef einnig fengið uppl frá vélsleðaleigunni á Mýrdalsjökli þar er mikið harðfenni/ís og ekki gönguskíðafæri.

Sjálfur stefni ég uppí Skálpanes með ferðaskíði og er ætlunin að ganga á Skriðufell ca 23-25 km fram og til baka og stefnt að því að leggja af stað á skíðunum um kl 9. Ef einhverjir vilja slást í þá för hringja þeir í mig.

Þóroddur F.

BIKARMÓT SKÍÐASAMBANDS ÍSLANDS Í SKÍÐAGÖNGU.

Bikarmót SKÍ í skíðagöngu verður haldið á Akureyri dagana 5.-7. febrúar næstkomandi ásamt Íslandsmeistaramóti í lengri vegalengdum í flokkum 17 ára og eldri. 

Dagskrá: 

Föstudagur 5. febrúar 2010  Kl. 18:00 Sprettganga allir flokkar, frjáls aðferð.  Fararstjórafundur í gönguhúsi að móti loknu.  

Laugardagur 6.febrúar 2010 Kl. 11:00  Hefðbundin aðferð. Íslandsmeistarmót í lengri vegalengdum: 

Karlar  20 ára og eldri 30,0 km. Piltar 15-16 ára  7,5 km. Konur  17 ára og eldri 10,0 km                      Stúlkur  15-16 ára 7,5 km. Piltar 17-19 ára 15,0 km. Piltar 13-14 ára 5,0 km.                             Stúlkur 13-14 ára  5,0 km                         

Sunnudagur 7.febrúar 2010

 Kl. 11:00         Frjáls aðferð, hópstart.

Karlar  20 ára og eldri  10,0  km. Piltar 15-16 ára 5,0 km. Konur 17 ára og eldri 5,0 km                     Stúlkur  15-16 ára 3,5 km. Piltar  17-19 ára 10,0 km . Piltar 13-14 ára 3,5 km. Stúlkur  3-14 ára         3,5 km.  Þátttökutilkynningar í mótin berist fyrir miðvikudaginn 3. febrúar 2010 í tölvupóstfangið:  [e-mail]

Bláfjallagöngunni/Íslandsgöngunni frestað vegna snjóleysis

Stjórn Skíðagöngufélagsins Ulls hefur ákveðið að fresta Bláfjallagöngunni/Íslandsgöngunni sem halda átti í Bláfjöllum 6. febrúar næstkomandi, vegna snjóleysis. Strandamenn eru að kanna möguleika á því að halda Strandagönguna/Íslandsgönguna í staðinn þann 6. febrúar en ekki er hægt að ákveða það fyrr en um næstu helgi. Fylgist því með heimasíðunni til að fá nánari upplýsingar.

Þóroddur F.