Mörg ný andlit á skemmtilegu hjólaskíðakvöldi

Skemmtilegt hjólaskíðakvöld í rigningu  í Nauthólsvíkinni. Rúmlega tuttugu manns mættu og prófuðu hjólaskíðin og létu vel af.  Vonandi bætast við nýjir garpar á þriðjudagsæfingarnar. Nú er komin góð breidd í hópinn og allir ættu að geta fundið sér félaga ef menn eru duglegir að mæta í Víkina kl 18:00 á þriðjudögum.

Skíðakveðja.

Hjólaskíðakvöld 3. okt.

Skíðagöngufélagið stendur fyrir hjólaskíðakvöldi miðvikudaginn 3. okt. frá kl 18:00-19:00.   Þá er ætlunin að leiðbeina þeim sem eru að stíga fyrstu skrefin á hjólaskíðunum og leyfa þeim að prófa sem ekki eiga skíði.  Við verðum með nokkur pör af skíðum og fyrir þá sem  ekki eiga skó eða stafi þá verður eitthvað svoleiðis á svæðinu en best er að koma með sitt eigið.

Við verðum í Nauthólsvíkinni og hvetjum alla til að koma og kíkja á okkur, byrjendur og lengra komna.  Alltaf gaman að hitta aðra labbakúta.

Skíðagallar fyrir félagsmenn

Eins og glöggir lesendur heimasíðu Skíðagöngufélagsins hafa kannski tekið eftir er komin skoðanakönnun hér til vinstri. Um daginn fór í gang umræða um gönguskíðagalla og spurningin er hvort félagsmenn hefðu áhuga á að kaupa slíka - annað hvort keppnisgalla eða utanyfirgalla - ef félagið myndi standa fyrir pöntun á slíku.

Endilega taka þátt í skoðanakönnuninni og láta skoðun sína í ljós.

Samæfing á Ísafirði og Fossavatnsganga 2008

Eftirfarandi bréf barst frá Ísafirði: 

Smá orðsending, annars vegar um samæfingu nú síðar í haust og hins vegar um Fossavatnið næsta vor.

Líkt og í fyrrahaust ætlum við Ísfirðingar að standa fyrir samæfingu á skíðum í lok nóvember. Æfingin fer fram dagana 23.-25. nóvember og verður að öllum líkindum með svipuðu sniði og síðast. Æfingin er að sjálfsögðu öllum opin, einkum því skíðafólki sem komið er til nokkurs þroska (les. eldri skíðaköppum) og hefur áhuga á þátttöku í almenningsgöngum hérlendis og erlendis. Þjálfarinn okkar frá því í fyrra, hún Åshild, er farin til Noregs en hefur áhuga á að koma og vera með okkur aftur. Við munum því að öllum líkindum neyðast til að rukka eitthvert þátttökugjald að þessu sinni, en því verður stillt í hóf eins og möglegt er. Varðandi gistingu þá verðum við aftur í samvinnu við Hótel Ísafjörð sem mun setja saman hagstætt göngugarpatilboð. Nánar þegar nær dregur. Allar frekari fyrirspurnir má senda á [e-mail]

Eins og margir vita nú þegar þá verður Fossavatnsgangan 2008 haldin laugardaginn 3. maí. Þessa sömu helgi verður haldið hér í bænum afar fjölmennt Öldungameistaramót Íslands í blaki. Við viljum því eindregið hvetja væntanlega Fossavatnsfara til að draga það ekki lengur en nauðsynlegt er að festa sér gistipláss. Hægt er að hafa samband við gististaði bæjarins beint, eða hafa samband við mig á Upplýsingamiðstöð ferðamála, Ísafirði, s. 450-8060 eða í tölvupósti [e-mail]  Heimir

Vel heppnað hjólaskíðamót

Í dag laugardag hélt Skíðagöngufélagið sitt fyrsta mót, hjólaskíðamót með drykkjarstöð, veitingum og verðlaunum. Það gerist ekki flottara.  Veðrið var að mati okkar skíðagöngumanna bara gott, 5° hiti og hvasst.  Gengnir voru 10 km, frá Sandskeiði og upp að bílastæði við Bláfjallaskála.  Keppendur voru níu, allir félagar í Skíðagöngufélaginu nema sigurveigarinn í kk flokki sem kom alla leið úr Fjallabyggð, eða Siglufirði nánar tiltekið.  Magnús Eiríksson gekk léttur í spori upp brekkurnar og tók sigur í kk. flokki.  Í kvk. rétt marði Hólmfríður Vala varaformanninn Önnu Kristínu í spennandi endaspretti.  Að lokinn göngu var boðið upp á samlokur og Topp frá Vífilfelli og verðlaun veitt.  Sigurveigarar fengu áráskrift að tímaritinu Útiveru og ljósmyndabók frá Fjölva og drykkjabelti frá Everest sem á eftir að nýtast vel á æfingum í vetur.  2. sæti fékk húfur, vetlinga  frá Everets og 3. sæti fékk útivistarsokka frá Sokkabúðini í Kringlunn. Ekki dónalegt þetta. 

Já þetta er bara byrjunin, við hvetjum  alla skíðagöngugarpa til að taka frá sömu helgi að ári og mæta galvaska á haustmótið okkar.

Takk fyrir góðan dag.

 

Magnús Eiríksson	39:14	1951	1
Daníel Jakobsson	43:12	1973	2
Sigurður Sigurgeirsson	47:38	1964	3
Guðmundur Arnar Ástvaldsson	51:04	1976	4
Skarphéðinn P. Óskarsson	52:28	1951	5
Hólmfríður Vala	55:55	1974	6
Anna Kristín Sigurpálsdóttir	55:57	1978	7
Björn Mar Ólafsson	56:48	1947	8
Sveinn Guðmundsson	1:05.16	1949	9

Hjólaskíðamótið á morgun

Jæja, nú styttist í fyrsta hjólaskíðamót Skíðagöngufélagsins. Undirbúningur hefur verið í fullum gangi í vikunni og allt að smella.

Það væri gott að sjá hverjir ætla að mæta - svona uppá það hvað Vala þarf að smyrja af samlokum . Endilega að skrá sig með því að senda tölvupóst: [e-mail] Við hvetjum alla sem eiga hjólaskíði til að láta sjá sig, ekki endilega til að vinna eitthvað af hinum glæsilegu verðlaunum heldur upp á stemmninguna og félagsskapinn. Það er vonandi að keppnin komi félaginu okkar kortið og hugsanlega verður fjallað um hana í fjölmiðlum um helgina.

Tilboð á tímaritinu Útiveru fyrir félagsmenn Skíðagöngufélagsins

Fjölvi-útgáfufélag vill bjóða félögum í Skíðagöngufélaginu neðangreint áskriftartilboð. Meðfylgjandi er mynd af forsíðu síðasta tölublaðs Útiveru og af bókinni sem fylgir tilboðinu.
Nýtt tbl. er í prentun og væntanlegt til áskrifenda eftir vikutíma.

       Tímaritið Útivera býður félögum Skíðagöngufélagsins sérstaklega freistandi áskriftartilboð sem fáir fást staðist.

• Fyrstu 3 tölublöðin með 50% afslætti eða 422 krónur hvert tölublað
• Hvert tölublað eftir það með um 35% afslætti eða 555 krónur hvert tölublað
• Bókin Skyndihjálp á ferðinni fylgir frítt með, skyldueign hvers ferðalangs
  
  
  Smelltu hér til að stökkva á þetta glæsilega tilboð núna.  

Mundu að skrá í athugasemdareit að þú sért félagi í Skíðagöngufélaginu.
Þú getur lesið þér nánar til um efni Útiveru hér http://www.utivera.is/tolublod/“

                           

Sokkatilboð til félaga í Skíðagöngufélaginu

Í haust mun Cobra - Sokkabúðin í Kringlunni bjóða félögum í Skíðagöngufélaginu að kaupa skíðasokka á sérstöku tilboði. Um er að ræða skíðasokka, snjóbrettasokka og skíðagöngusokka í öllum stærðum á herra, dömur og börn. Endilega skoðið viðhengið og nýtið ykkur frábært tilboð.

Pantanir sendist með tölvupósti á netfang Skíðagöngufélagsins: [e-mail]

Skrár tengdar þessari bloggfærslu:

• Sokkatilboð

Glæsileg verðlaun í boði á hjólaskíðamóti Skíðagöngufélagsins

Þeir sem ætla að taka þátt í hjólaskíðamóti Skíðagöngufélagsins á laugardaginn eru hvattir til að skrá sig með því að senda póst á [e-mail]

Í boði eru glæsileg verðlaun fyrir fyrstu þrjú sætin í hvorum flokki:

1. verðlaun eru árs áskrift að Útiveru og bókin Digital Photography Outdoors frá Fjölva og Fischer drykkjartaska frá Everest.

2. verðlaun eru útivistarsokkar frá Sokkabúðinni Cobru og Mountain Hardware flíshúfa frá Everest í karlaflokki en útivistarsokkar frá Sokkabúðinni Cobru og gönguhanskar frá Everest í kvennaflokki.

3. verðlaun eru útivistarsokkar frá Sokkabúðinni Cobru.

 

Í markinu verður boðið uppá samlokur og Topp frá Vífilfelli, auk þess sem allir þátttakendur fá viku aðgang að líkamsræktarstöðinni Silfur Sporti, Hátúni.

Það er því til mikils að vinna að mæta á hjólaskíðamót fyrir utan góða stemmingu, holla hreyfingu og frábæran félagsskap

 

                               

                                                                                  

    

Skrár tengdar þessari bloggfærslu:

• Sokkabúðin Cobra

Hjólaskíðamót - vegleg verðlaun :)

Minnum á skráningu á hjólaskíðamótið sem verður haldið á laugardaginn 22.september klukkan 11:00 á Bláfjallaafleggjaranum. Tilkynning um þátttöku sendist á netfangið: [e-mail]. Keppnisgjald er 500 kr.

Veitt verða verðlaun frá Everest í bæði karlaflokki og kvennaflokki auk þess sem allir þátttakendur fá viku aðgang að Silfur Sporti í Hátúni.