Spor í Bláfjöllum

Jæja þá eru Ullungar komnir heim úr VASA og ekki seinna vænna að halda áfram æfingum. Strandagangan um næstu helgi og Buchgangan og Fossavatnið ekki langt undan en ekkert hefur heyrst af Orkugöngunni. Gaman væri að fá fréttir af Orkugöngunni frá þeim sem til þekkja t.d. um tímasetningu og hvar er hægt að nálgast upplýsingar.

Ég skrapp í Bláfjöllin í kvöld með 11 ára syninum og þar var komið 4-5 km spor frá neðra stæði upp með ljósabrautinni og niður gilið.  Hiti nálægt 0°C og frekar blautt færi, nánast klísturfæri.  Var ekki með klístur en fékk þokkalegt færi á fjólubláan bauk 0 til +1°C.

Sporið var ágætlega lagt þ.e. hlykkjalaust og aflíðandi beygjur í rennslinu en hinsvegar ekkert sérstaklega gott, grunt og óslétt, eins og sporinn hefði skoppað ofnaná.  Líklega er of hart undir til að sporinn nái að pressa nægilega vel niður. Nú hefði spori með vökvatjakk komið sér vel og verður vonandi hugað að því í Bláfjöllum fyrir næsta vetur.

Kveðja

Siggi 

Að lokinni Vasagöngu

Nokkrar fréttir hafa birst í vikunni frá þátttöku landans í viðburðum Vasavikunnar og virka þær vonandi hvetjandi á skíðagöngufólk. Ég veit ekki annað en allir hafi verið tiltölulega sáttir við eigin frammistöðu og hafi notið þess að vera þátttakendur í þessum stórkostlega viðburði sem stendur í rúma viku. Ekki leifði þó heilsa allra að þeir færu á skíði eins og ætlunin var og vil ég þar sérstaklega nefna Daníel Jakobsson en hann var eins og við var að búast ómetanlegur við að aðstoða aðra. Sjálfur drattaðist ég inn í rútuna við Evertsberg á sunnudaginn.

En nú er að horfa á björtu hliðarnar og göngurnar framundan, nóg er af snjónum og vonandi verður mikil þátttaka í komandi skíðagöngum, Hólmavík, (fyrir heilsuhrausta) landsmót osfrv.

Þóroddur F.

Bláfjallagangan 2008 - Úrslit

20 km Kvennaflokkur, 16-34 ára

Nafn	tími	sæti	félag
Hólmfríður Vala Svavarsdóttir	01:35:28	1	Ullur
Anna Kristín Sigurpálsdóttir	01:48:37	2	Ullur

 20 km Kvennaflokkur, 50 ára og eldri

Nafn	tími	sæti	félag
Guðrún Pálsdóttir	01:58:25	1	Skíðafélag Siglufjarðar

 20 kmKarlaflokkur, 16-34 ára

Nafn	tími	sæti	félag
Andri Steindórsson	01:12:13	1	Skíðafélag Akureyrar
Jón Þór Guðmundsson	01:22:25	2	Skíðafélag Akureyrar
Ólafur Árnason	01:27:34	3	Skíðafélag Ísfirðinga
Helgi Jóhannesson	01:32:03	4	Skíðafélag Akureyrar
Guðmundur A. Ástvaldsson	01:37:04	5	Ullur
Bjarni Jóhannesson	01:41:24	6	Ullur
Benedikt Skúlason	01:54:14	7	Reykjavík

 20 kmKarlaflokkur, 35-49 ára

Nafn	tími	sæti	félag
Sigurgeir Svavarsson	01:18:08	1	Skíðafélag Akureyrar
Kári P. Jónasson	01:28:14	2	Húsavík
Sigurður Sigurgeirsson	01:28:17	3	Ullur
Þórir Sigurhansson	01:50:23	4	Ullur
Guðmundur St. Björnsson	01:59:58	5	Ullur

 20 kmKarlaflokkur, 50 ára og eldri

Nafn	tími	sæti	félag
Magnús Eiríksson	01:17:35	1	Skíðafélag Siglufjarðar
Þórhallur Ásmundsson	01:29:31	2	Sauðárkrókur
Jóhannes Kárason	01:32:04	3	Skíðafélag Akureyrar
Skarphéðinn P. Óskarsson	01:37:33	4	Ullur
Ingþór Bjarnason	01:39:20	5	Ullur
Björn M. Ólafsson	01:58:58	6	Ullur

 10 km, skíðatrimmKvennaflokkur, 17-49 ára

Nafn	tími	sæti	félag
Herdís Wöhler	01:10:48	1	Ullur
Corinna Hoffmann	01:10:59	2	Hafnarfjörður
Esther Unnsteindóttir	01:24:04	3	Ullur

 10 km, skíðatrimmKarlaflokkur, 17-49 ára

Nafn	tími	sæti	félag
Halldór Þórarinsson	00:55:07	1	Ullur
Ottó Leifsson	01:06:41	2	Reykjavík

 5 km, skíðatrimmKvennaflokkur, 13-16 ára

Nafn	tími	sæti	félag
Bryndís E. Halldórsdóttir	43:12	1	Ullur

 5 km, skíðatrimmKvennaflokkur, 17-49 ára

Nafn	tími	sæti	félag
Sigurbjörg Sigurpálsdóttir	37:39	1	Ullur
Sigríður Wöhler	43:07	2	Ullur
Björk Sigurðardóttir	43:37	3	Ullur

 5 km, skíðatrimm Karlaflokkur, 12 ár og yngri

Nafn	tími	sæti	félag
Ragnar Sigurgeirsson	22:16	1	Skíðafélag Akureyrar
Hjörvar Sigurgeirsson	23:48	2	Skíðafélag Akureyrar
Kristinn Sigurðsson	38:52	3	Ullur

 1 km, skíðatrimm

Nafn	tími	sæti	félag
Arnaldur Karl Einarsson
Eyjólfur Jóhann Einarson	11:43	6	Ullur
Anna María Daníelsdóttir	08:22	1	Ullur
Jakob Daníelsson	09:44	4	Ullur
Guðmundur Alexander Magnason	08:27	2	Ullur
Jón Arnar Ólafsson	18:02	7	Ullur
Lovísa Friðriksdóttir	09:55	5	Ullur
Árni Friðriksson	08:57	3	Ullur

 

Hálf vasa

Hálf vasa var þreytt í Svíþjóð gær. Ullur átti nokkra keppendur sem allir stóðu sig með prýði. Formaðurinn okkar Þóroddur Þóroddsson kom í mark á frábærum tíma: 3:47:29 og Ingvar bróðir hans á 4:02:28. Aðra Íslendinga má sjá hér.

Allir komnir í mark!

Þá eru allir íslensku keppendurnir í Opna sporinu komnir í mark: Gerður Steinþórsdóttir var á tímanum 9:20:37 og Jón Þór Sigurðsson á 9:33:49.

Til hamingju með glæsilega frammistöðu

Gengur vel í Svíþjóð

Okkar fólki gengur vel í Svíþjóð. Darri Mikaelsson er kominn í mark á 7:28:18 og Ingvar Þóroddsson á 7:55:48. Jón Þór og Gerður eiga örfáa kílómetra eftir og er gert ráð fyrir þeim í mark fyrir klukkan 17:00 á sænskum tíma (16:00 á íslenskum).

Færið var klísturfæri og skv.upplýsingum sem ég fékk voru langar biðraðir í vallningu á drykkjarstöðvum.

Kv. Anna

Opið spor

Jæja, nú er eitthvað af Vasagöngufólkinu okkar komið út. Níu gengu opið spor í gær og komu allir í mark á fínum tímum. Færið var mjög blautt skv.því sem ég frétti, 6° hiti og pollar t.d. undir einni brúnni.

Í dag eru Jón Þór Sigurðsson, Ingvar Þóroddsson, Darri Mikaelsson og Gerður Steinþórsdóttir að ganga opið spor.

Heimasíðan hjá Vasabræðrum er með fréttir og allar nýjustu upplýsingar: http://www.vasa.thorarinn.com/

Kveðja, Anna

Ullarkrakkaæfing á sunnudag

hæ Ullarkrakkar. Við stefnum að æfingu á sunnudag kl 13. Munið að gönguna á morgun. Hlakka til að sjá ykkur. Kv. Vala svala

Íslandsgangan-Bláfjallaganga á laugardaginn

Íslandsgangan verður í Bláfjöllum á laugardaginn.

Laugardaginn 23. febrúar heldur Skíðagöngufélagið Ullur, Bláfjallagönguna, sem er liður í Íslandsgöngu Skíðasambands Íslands. Gangan fer fram í Bláfjöllum og hefst klukkan 13:00 við Suðurgil. Skráning fer fram í Ármannsskála við Suðurgil og hefst  klukkan 11:00 og lýkur 12:30. Aðstaða skíðamanna verður í Ármannsskála.  Verðlaunaafhending og kaffiboð verður í Ármannsskála að göngunni lokinn.  Þar verður hægt að skipta um föt en sturtur eru þar því miður ekki.      

Þeir sem eru tilbúnir til að aðstoða við mótshaldið gefi sig fram á staðnum.       

Keppt verður í eftirfarandi flokkum:   

Íslandsgangan 20 km. Karlar og konur 16-34 ára, 35-49 ára og í flokki 50 ára og eldri. Þátttökugjald er 1.500 krónur                        

Skíðatrimm 10 km.  Karlar og konur 13-16 ára, 17-49 ára og í flokki 50 ára og eldri. Þátttökugjald er 1000 krónur                                                           

Skíðatrimm 5 km. Karlar og konur  12 ára og yngri, .13-16 ára og 17 ára og eldri . Þátttökugjald er 1000 krónur                        

Skíðatrimm 1 km. Yngri en 12 ára. Ekkert þátttökugjald.

Forskráning er til hádegis á föstudag 22. feb. Hægt er að skrá sig með því að senda póst, á netfangið:[e-mail] og greiða þáttökugjaldið inná reikning nr. 600707-0780 - nr. 0117-26-6770 og setja nafn eða kennitölu + keppnisflokk í skýringu.  Mælum með forskráningu til að auðvelda undirbúning. Allar frekari upplýsingar á http://www.skidagongufelagid.blog.is/blog/skidagongufelagid og í síma 821-7374, Vala. 

Með von um að sjá sem flesta í Bláfjöllum.

f.h. Skíðagöngufélagsins Ulls

Þóroddur  F. Þóroddsson

Íslandsgangan - Bláfjallagangan á laugardaginn

Eins og áður var tilkynnt þegar fresta varð göngunni verður hún núna á laugardaginn og hefst kl. 13:00

Nánari upplýsingar verða settar hér inn í kvöld.

Skv. uppl. frá Hólmfríði Völu er nú frábært veður í Bláfjöllum, ekki búið að leggja spor en farið verður í það eins fljótt og hægt er og tilbúið ekki síðar en 17:00

Þóroddur F.