Vetraralok

Nú held ég að við getum sagt að veturinn sé búinn.  Fossavatnsgangan að baki og nú er bara að skella sér á hjólaskíðin og gera sig klár fyrir næsta vetur. 

Í 50km áttum við 3 keppendur, í 20km áttum við 22 kependur  í 10km áttum við 13 keppendur og í 7km áttum við 9 keppendur.  47 Ullungar, það er ekki slæm þátttaka eftir snjólausan vetur. 

Færið í ár var frekar snúið, nýr og gamall snjór til skiptis.  En við látum það ekki á okkur fá frekar enn fyrri daginn.

Mótahald var til fyrirmyndar eins og venja er þarna á Ísafirði. Kökuhlaðborðið stóð fyllilega undir væntingum og það er það sem skiptir máli :)

Verið nú iðin við sumaræfingarnar svo að þið komið vel undan sumrinu og tilbúin í slaginn í haust.

Takk fyrir helgina. kv. Vala

Athugasemdir

[Hrefna (IP-tala skráð) 4.5.2010 kl. 23:53]

Takk sömuleiðis :)

[Gerður Steinþórsdóttir (IP-tala skráð) 6.5.2010 kl. 21:27]

Þetta er náttúrulega frábær þátttaka. Vala, ég held að fjórir frá Ulli hafi keppt í 50 km göngu, Hrefna Katrín, þú, Ólafur Helgi og Þórhallur. Með sumarkveðju, Gerður

[Hrefna (IP-tala skráð) 7.5.2010 kl. 22:26]

En verst að við vorum næstum öll skráð sem "Reykjavík" en ekki "Ullur"! Ég skráði mig ekki þannig en þannig er ég samt skráð á úrslitalistanum. Hafiði heyrt einhverja skýringu á þessu? Ég hef bent á þetta áður í tengslum við Íslandsgönguna en það virðist ekki hafa breytt neinu.

[Gerður Steinþórsdóttir (IP-tala skráð) 9.5.2010 kl. 20:58]

Hrefna, það er af því að beðið er um sveitarfélag en ekki félag. Líklega best að setja hvoru tveggja næst. Frábært hjá þér að fara 50 km. Kær kveðja, Gerður