Vetraralok

Nú held ég að við getum sagt að veturinn sé búinn.  Fossavatnsgangan að baki og nú er bara að skella sér á hjólaskíðin og gera sig klár fyrir næsta vetur. 

Í 50km áttum við 3 keppendur, í 20km áttum við 22 kependur  í 10km áttum við 13 keppendur og í 7km áttum við 9 keppendur.  47 Ullungar, það er ekki slæm þátttaka eftir snjólausan vetur. 

Færið í ár var frekar snúið, nýr og gamall snjór til skiptis.  En við látum það ekki á okkur fá frekar enn fyrri daginn.

Mótahald var til fyrirmyndar eins og venja er þarna á Ísafirði. Kökuhlaðborðið stóð fyllilega undir væntingum og það er það sem skiptir máli :)

Verið nú iðin við sumaræfingarnar svo að þið komið vel undan sumrinu og tilbúin í slaginn í haust.

Takk fyrir helgina. kv. Vala

Fundur um snjóframleiðslu - allir að mæta - fimmtudagskvöld

Skíðasamband Íslands og Skíðaráð Reykjavíkur boða hér með til fundar í félagsheimili Ármanns/Þróttar í Laugardag fimmtudaginn 29. apríl 2010 (á morgun) kl. 20:00 þar sem nýliðinn skíðavetur á höfuðborgarsvæðinu verður gerður upp og skoðað hvort snjóframleiðsla á skíðasvæðum höfuðborgarinnar hefði breytt einhverju. Til fundarins er boðið öllum áhugamönnum um skíðaíþróttina, fulltrúum í sveitarstjórnum á höfuðborgarsvæðinu, stjórnarmönnum í ÍTR, ÍBR og Skíðasvæðum höfuðborgarsvæðisins, frambjóðendum í komandi sveitarstjórnarkosningum og fjölmiðlafólki.

Dagskrá:

1. Inngangur - Daníel Jakobsson, form. SKÍ og Þorbjörn Jónsson, form. SKRR
2. Steinunn Sæmundsdóttir - Sjónarmið skíðaþjálfara og foreldris
3. Helgi Geirharðsson, mannvirkjanefnd SKÍ - Hvað þarf til? Uppsetning snjóframleiðslukerfa á skíðasvæðum höfuðborgarinnar.
4. Umræður


Með skíðakveðju,

Þorbjörn Jónsson
form. SKRR

Frá aðalfundi 26.4.2010

Skýrsla stjórnar Ulls fyrir árið 2009.

 

Skrár tengdar þessari bloggfærslu:

• a_alfundur_2010_skyrsla_stjornar.doc

Aðalfundur mánudagskvöld 26. apríl, kl 20 í húsi ÍSÍ í Laugardal

Sjá auglýsingu neðar á síðunni.

Þóroddur F.

Andrésar Andar leikarnir 2010

Þá er Andrésar Andar leikunum 2010 lokið, en þar kepptu 8 Ullungar. Allir stóðu sig með mikilli prýði og tveir Ullungar komu sér meira að segja á pall, Birgitta Birgisdóttir og Gústaf Darrason. Auk þess átti Ullur boðgöngusveit sem varð í 5. sæti af 10 sveitum. Ekki svo slæmt eftir snjólausann vetur!! Krakkarnir fengu aðstoð við undirbúninginn hjá Daníel og Völu og feðgunum Birgi og Gunnari.

Nánari upplýsingar um leikana má sjá á http://skidi.is/

 Til hamingju krakkar

Fosavatnsganga á laugardaginn

Í fyrra tóku 26 Ullungar þátt í Fossavatnsgöngunni og er spurning hvort  það met verður ekki slegið í ár þrátt fyrir snjóleysið hér sunnanlands. Gott væri að fá hér upplýsingar um hverjir ætla að fara. Ef einhverjir eru með laus pláss í bíl væri kjörið að láta vita af því og fylla bílana því ekki veitir af að fá fleiri til að borga bensínið.

Ég tel mig vita um eftirfarandi þátttakendur:

Björk Sig. og Gerður fara með fullan bíl á fimtudag, + tveir sem vantar far.

Daníel J. og Vala með fullan bíl af börnum.

Magnús Björnsson, pláss??

Skarphéðinn, pláss??

Þórhallur Ásmunds frá Akranesi, pláss??

Ragnhildur, pláss??

Hvað segið þið Árni Tr. Gunnl. J. Har Hilm., Kjell, Hrefna KG., Óskar, Gísli................????

Undirritaðan vantar far eða fer á bíl og tekur þá tvo sem vantar far í gegnum Björk S. og hefur þá pláss fyrir einn. Fer líkl. á föstudagsmorgun þar sem fyrirhugaður er fundur um snjóframleiðslu á skíðasvæðum Höfuðborgarsvæðisins á fimmtudagskvöld, annars e. vinnu á fimmtudag.

Þóroddur F.

 

 

Aðalfundur Skíðagöngufélagsins Ulls mánudaginn 26. apríl kl. 20

Aðalfundur Skíðagöngufélagsins Ulls verður haldinn í Íþróttamiðstöðinni í Laugardal, mánudaginn 26. apríl kl. 20. Málefni sem félagar óska eftir að tekin verði fyrir á fundinum skulu hafa borist stjórn minnst viku fyrir aðalfund.  Mál sem berast eftir að sá frestur er liðinn verða ekki tekin fyrir nema 2/3 fundarmanna samþykki það.  Rétt til fundarsetu með öllum réttindum hafa  skuldlausir félagar. 

Dagsskrá aðalfundar: 1.      Fundarsetning. 2.      Kosnir fundarstjóri og fundarritari. 3.      Lögð fram ársskýrsla stjórnar fyrir liðið starfsár og umræða um hana. 4.      Lagðir fram endurskoðaðir ársreikningar, umræða og atkvæðagreiðsla. 5.      Fjárhagsáætlun næsta starfsárs. 6.      Lagabreytingar ef fyrir liggja. 7.      Kosin stjórn: a)  kosinn formaður b)  kosnir fjórir aðalstjórnarmenn c)  kosnir tveir varamenn í stjórn d)  kosinn skoðunarmaður og annar til vara.8.    Aðrar tillögur sem borist hafa til stjórnar. 9.    Önnur mál.10.    Fundarslit. 

Stjórnin

Enn er skíðagöngufæri a.m.k. f. norðan og vestan

Fróðlegt að fá uppl. hér frá þeim sem ætla til Húsavíkur um helgina í Íslandsgönguna/Buch, getið sameinast í bíl osvfrv. Kemst ekki sjálfur.

Sama gildir um Fossavatnsgönguna hana eiga Ullungar að taka með trompi og fjölmenna.

Eftir vefmyndavélinni í Bláfjöllum að dæma er etv. skíðafæri á sléttunni við skálann látið vita um aðstæður þar ef einhver skreppur uppeftir.

Hugsanlega er hægt að æfa á vötnum utan við borgina Reynisv., Langav., Leirvogsv. gengt Skálafelli, látið líka vita af því.

Þóroddur F.

BUCH - ORKUGANGAN 2010

Buch – Orkugangan verður haldin laugardaginn 10. apríl og er það í fyrsta sinn sem þessar göngur eru haldnar sameiginlega af Húsvíkingum og Mývetningum. Orkugangan gefur nú stig til  Íslandsgöngu Skíðasambandsins.Allar vegalengdir eru gengnar með hefðbundinni aðferð. Föstudagur:
Afhending mótsgagna. og skráning frá 13:00 - 21:00, einnig verður skráð á staðnum18:00 - 21:00, pastaveisla í Jarðböðunum Mývatnssveit.
Laugardagur:
Mæting:Orkugangan: Bílastæðið við Leirhnjúk skammt frá Kröfluvirkjun í Mývatnssveit kl. 9:00Aðrar vegalengdir: Gönguskíðasvæðið í Reykjaheiði í nágrenni Húsavíkur kl. 10:30
Rástímar:
Orkugangan 60 km:       kl. 10:00
20, 10, 5 og 1 km:           kl. 12:00 verðlaunaafhending og kaffihlaðborð í Fosshóteli Húsavík Kl. 16:30 - 18:00. Ferðir:Boðið er upp á ferð frá Húsavík að rásmarki, kl 7:45 og til baka frá endamarki að Jarðböðunum. Þeir sem vilja geta fengið akstur frá Jarðböðunum að rásmarki kl. 8:30 Skráningargjald:  

Vegalengd	greitt fyrir 28.03	greitt 28.03 - 07.04	greitt 08.04 - 10.04
60 km.	4.000	5.000	6.000
20 km.	3.000	4.000	5.000
10 km.	3.000	4.000	5.000
5 km. 13 ára og eldri	2.500	3.000	3.500
5 km. 12 ára og yngri	1.000	1.000	1.000
1 km.	ókeypis	ókeypis	ókeypis

       Innifaldið í skráningargjaldi er aðgangur að Jarðböðunum við Mývatn eftir göngu, pastaveisla kvöldið fyrir og kaffihlaðborð á keppnisdag.
Aldursflokkar eru eftirfarandi:
60 km: 16-34 ára, 35-49 ára, 50 ára og eldri hjá hvoru kyni
20 km: 16-34 ára, 35-49 ára, 50 ára og eldri hjá hvoru kyni
10 km: Einn opinn flokkur hjá hvoru kyni
5 km: Einn opinn flokkur hjá hvoru kyni 1 km: Einn opinn flokkur hjá hvoru kyni Gisting:
Nægt gistirými er á svæðinu og ýmis tilboð í gangi. Allar nánari upplýsingar og skráning er hjá Mývatnsstofu í síma 464 4390 eða á netfangið [e-mail].

Bláfjöll í dag fimmtudag

Skrapp uppeftir með dót í skálann. Það er mjög trúlega hægt að fara á ferðaskíðum með hlíðum upp á heiði og austurfyrir fjöllin, það er ekki mikill snjór en ef frystir heldur hann ágætlega. Ef það bætt aðeins á væri færi á sléttunni við skálann.

Þóroddur F.