Ullungar á Andrés

Ullungahópurinn á Andrés, samankominn eftir mótsslitin, flott bæði að framan og aftan.

 

 

 

 

 

 

 

 

 

 

Vonumst til að sjá ykkur sem flest á miðvikudaginn 6. maí, í lokahófinu í Mosfellsbænum

Andrésarleikar og vetraraslútt

Já við erum komin heim af Andrésarleikunum og auðvitað var það alveg geggjað stuð. Á myndinni hér til hliðar eru 2000 stelpurnar okkar með Daníel.  Þær gengu 1km í sól og blíðu á sumardaginn fyrsta. 

Við vorum með 17 keppendur frá 6ára aldri og upp í 14 ára.

Krakkarnir stóðu sig með sóma, svo að eftir var tekið.  Við fengum mikið hrós fyrir þennan flotta hóp og fyrir félagið okkar.  Skíðafólk á landsbyggðinni fylgist greinilega vel með okkur.

Nokkrir Ullungar komust á pall, aðrir voru sjónarmun frá pallinum en það skemmtu sér allir vel og gerðu sitt besta.  Við fengum 2 gull, 3  silfur og 2 brons. Ekki slæmt það. 

Mig langar að minna Ullungar á vorfagnaðinn sem við ætlum að hafa næsta  miðvikudag, þann 6. maí kl 18:00. 

Við ætlum að grilla saman í garðinum hjá okkur Daníel og eiga góða stund saman.  Hver og einn sér um matarkyns fyrir sig og sína.

Nóg pláss er innan sem utan dyra svo að gaman væri að sjá sem flesta.

Kv. Vala og Daníel

Markholt 9

270 Mosfellsbær

Fossavatnsgangan

Margir ætla í Fossvatnsgönguna þó ekki liggi fyrir endanlegru nafnalisti fyrir Ullunga, nokkrir að  hugsa sig um (DJ. Hvala, ÞFÞ, ÁrniT, Gunnl.J, ÞórhÁ, Hrefna, Gerður, Björk, Sveinn ofl. ofl. Skarph, Haraldur, Eiríkur?? ofl. látið vita) . Það er um að gera að reyna að sameinast í bíla og tjá sig hér ef einhvern vantar far. Smurbekkirnir úr Bláfjallahúsinu verða með  í farangrinum til Ísafjarðar og verður væntanlega upplýst hér hvar þeir verða staðsettir á föstudeginum (sími minn 861 9561).

Spor var lagt í Bláfjöllum í gær og helst trúlega ágætt a.m.k. í dag en ég hef ekki fregnir af því hvort sporað verður meira fram eftir vikunni, hjólaskíðin virka líka vel á lokasprettinum fyrir Fossavatnið.

Fjölmennum hress og kát í Fossavatnsgönguna og munum að þar er boðið upp á margar vegalengdir.

Þóroddur F.

Glæsilegt hjá Ullungum á Andrés

Til hamingju allir Ullungar á Andrés, gaman að sjá hve margir keppa undir nafni okkar.

Þóroddur F.

Spor komið í Bláfjöllum, 5 km

Magnús framkvæmdstjóri skíðasvæðanna var að hringja og láta vita að í framhaldi af ósk frá Ulli í gær væri búið að leggja 5 km spor frá efsta bílastæðinu og stefnt er að því að á morgun, laugardag og sunnudag verði þetta spor lagt fyrir kl. 11 á morgnana.

Nú er um að gera að notfæra sér þetta.

Þóroddur F.

Andrésarleikarnir í dag, fréttir úr BLáfjöllum????? Fossavatnsgangan

Góðan daginn ég vil benda skíðafólki á að keppni á Andrésarleikunum hefst í dag og ganga með hefðbundinni aðferð kl 11:00, vonandi í beinni útsendingu á www.skidi.is.

Ef einhver fer í Bláfjöll er sá beðinn að hringja í mig í 861 9561 svo hægt sé að setja inn fréttir af aðstæðum. Það er áreiðanlega nægur snjór til skíðagöngu en sennilega lítið um spor og ekki ljóst hvort lagt verður spor, kannski á morgun en líklega ekki í dag. Ef einhver hefur aðgang að vélsleða er vel þegið að hann fari uppeftir og dragi sporann sem er reistur upp við staur á bílastæðinu við Leiruna og sendi mér uppl. um það svo við getum látið vita hér á síðunni.

Margir eru vonandi að æfa fyrir Fossavatnsgönguna, fjölmennum þar Ullungar. Það eru laus 1-2 sæti hjá mér í bíl á fimmtudagskvöld og til baka á laugardagskvöld. Hugsanlega laus sæti hjá öðrum.

Þóroddur F.

Fundargerð aðalfundar Skíðagöngufélagsins Ulls

Skíðagöngufélagið Ullur

Fundargerð aðalfundar 15. apríl 2009, kl. 20:00-21:45Sal ÍBR í Laugardal. 

1)    Þóroddur F. Þóroddsson formaður félagsins setti fundinn og kynnti dagskrána. Fundarmenn voru 24, allir kosningarbærir.

2)    Fundarstjóri  var kosinn Friðrik Einarsson og fundarritari Hólmfríður Vala Svavarsdóttir.

3)    Þóroddur F. Þóroddsson lagði fram ársskýrslu stjórnar fyrir starfsárið 2008.

4)    Ari Wendel lagði fram endurskoðaða ársreikninga í fjarveru gjaldkera Sigurðar Sigurgeirssonar. Í  kjölfarið var umræða um ársskýrsluna og ársreikningana og ársreikningar samþykktir einróma.

5)    Þóroddur kynnti fjárhagsáætlun næsta árs og setti fram tillögu stjórnar um að félagsgjald yrði óbreytt kr. 1500,- á félagsmann en frítt fyrir 16 ára og yngri. Hægt verður að greiða á netinu fram til 1. júní eftir það verða sendir gíróseðlar.  Ennfremur lagði Þóroddur til að Andrésarfarar fengju taumerki félagsins að gjöf og peysu merkta Ulli.  Fjárhagáætlun samþykkt einróma.

6)    Lagabreytingar.  Engar tillögur um lagabreytingar bárust.

7)    Kosning í stjórn Skíðagöngufélagsins Ullar.   Skarphéðiðinn P. Óskarsson gaf ekki kost á sé til áframhaldandi setu í stjórn. Stórn lagði fram eftirfarandi tillögu að nýrri stjórn og var hún samþykkt einróma.Formaður:   Þóroddur F. ÞóroddssonAðalmenn:          Hólmfríður Svavarsdóttir, Hólmfríður Þóroddsdóttir, Sigurður Sigurgeirsson og Gísli Harðarsson.Til vara:  Óskar Jakobsson og Ragnhildur Jónsdóttir.

8)    Skoðunarmaður reikninga kjörinn Ari Wendel og Daníel Jakobsson til vara.

9)    Önnur mál.

a)    Árna Tryggvason lagði fram ályktun um að félagið leggji til að Bláfjöll verði friðuð fyrir ágangi vélknúinna ökutækja.  Fundurinn fól stjórn að útfæra ályktunina frekar og senda á SKRR og óska eftir stuðningi þess við málið.

b)    Óskar Jakobsson sýndi fána sem félagið hefur látið útbúa með nafni og merki félagsins.

c)    Daníel Jakobsson hvetur skíðamenn til að taka þátt í almenningsgöngum hér heima og erlendis og sérstaklega Fossavatnsgöngunni sem nú er á næsta leiti.  Daníel leggur til að Ullur bjóði fram krafta sína við að merkja skíðagöngubrautir í Bláfjöllum varanlega, m.a. með tilliti til öryggis.

d)    Daníel og Þóroddur veltu upp hugmyndum að staðsetningu Ullarhússins.  Þóroddur sýndi deiliskipulagsuppdrátt af svæðinu sem er í vinnslu hjá Kopavogsbæ og útskýrði mögulegar staðsetningar sem voru ræddar af fundargestum. Almennt lýstu fundarmenn þeirri skoðun að vinna ætti að því að staðsetja húsið við Leiruna.

e)    Að tillögu formanns var ákveðið að skipa húsnefnd sem myndi hafa umsjón með Ullarhúsinu. Hólmfríður Þóroddsdóttir fer fyrir nefndinni og verður leitað síðar til félagsmanna um að taka sæti í nefndinni. 

Fundi slitið kl 21:45.  Hólmfríður Vala

Barnaæfing á laugardag og sunnudag kl 13:00

Hæ krakkar.

Við hittumst á Leirunni kl 13. laugardag og sunnudag.

Fylgist með heimasíðu Bláfjalla, ef skíðasvæðið er lokað fellur æfing niður.

Hlakka til að sjá ykkur.

Kv. Vala

Skýrsla stjórnar fyrir starfsárið 2008

15. apríl 2009. Skýrsla stjórnar Skíðagöngufélagsins Ulls, fyrir starfsárið 2008, lögð fram á aðalfundi 15. apríl 2009. Stjórn.

Fram að síðasta aðalfundi sem haldinn var 21. apríl 2008, voru stjórnarmenn eftirtaldir:

 

Þóroddur F. Þóroddsson formaður, Hólmfríður Vala Svavarsdóttir, ritari, Sigurður Sigurgeirsson, gjaldkeri, Anna Kristín Sigurpálsdóttir og  Skarphéðinn P. Óskarson meðstjórnendur og varamenn María Ögn Guðmundsdóttir og Jón Gauti Jónsson.

 

Anna Kristín Sigurpálsdóttir, María Ögn Guðmundsdóttir og Jón Gauti Jónsson gáfu ekki kost á sér til áframhaldandi stjórnarsetu og á aðalfundinum voru eftirtaldir kosnir í stjórn.

 

Þóroddur F. Þóroddsson formaður, aðrir stjórnarmenn Hólmfríður Vala Svavarsdóttir, Hólmfríður Þóroddsdóttir, Sigurður Sigurgeirsson og Skarphéðinn P. Óskarson og varamenn Óskar Jakobsson og Ragnhildur Jónsdóttir. Stjórnin skipti þannig með sér verkum að Hólmfríður Vala var ritari, Sigurður gjaldkeri og Skarphéðinn varaformaður.

 

Skoðunarmaður reikninga var kosinn Ari Wendel og til vara Daníel Jakobsson.

 

Stjórnin hélt 9. formlega fundi en auk þess voru óformlegir spjallfundir og ótal  netsamskipti. Einn eða fleiri stjórnarmenn áttu einnig fundi með starfsmönnum skíðasvæðisins í Bláfjöllum.

 Nefndir.

Á síðasta aðalfundi var ákveðið að setja á laggirnar nokkrar vinnunefndir og voru eftirtaldir kosnir í þær.

Mannvirkjanefnd: Árni Tryggvason, Daníel Jakobsson og Þóroddur F. Þóroddsson.

Útbreiðslu og fræðslunefnd: Anna Kristín Sigurpálsdóttir, Gerður Steinþórsdóttir, Hólmfríður Vala Svavarsdóttir og Hrefna Katrín Guðmundsdóttir.

Mótanefnd: Ingvar Einarsson, Magnús Björnsson, Óskar Jakobsson, Skarphéðinn Óskarsson og Sveinn Guðmundsson.

 Úr starfsemi félagsins.

• Heimasíða félagsins var mjög virk og heimsóknir skipta hundruðum suma daga, til gamans má geta þess að í upphafi ársins 2008 voru heimsóknir orðnar 11.000 en 13. apríl 2009 höfðu bæst við 68.000 eða 140 að meðaltali á dag. Heimasíðan er því mikilvægur miðill.
• Leiðsögn í skíðagöngu, aðeins auglýst á heimasíðu Ulls og sagt frá á heimasíðu Bláfjalla, fór fram í Bláfjöllum 12. janúar, leiðbeinendur voru Sigurður Sigurgeirsson og Hólmfríðu Vala Svavarsdóttir og þáðu hana um 10 mannns.
• Í janúar var fyrirhugað að leigja gámaskúr og fékkst leyfi til að setja hann á bílastæðið er tengist gönguspori en vegna kostnaðar m.a. við raflögn var fallið frá því.
• Fræðslukvöld var haldið með Ferðafélagi Íslands 6. febrúar og komu þar 140 manns. Aðal leiðbeinandi f.h. Ulls var Daníel Jakobsson en formaðurinn spjallað á léttvægari nótum.
• Bláfjallagangan sem er liður í Íslandsgöngunni fór fram 23. febrúar og voru þátttakendur 21 í 20 km göngunnu og rúmlega annað eins í skemmri veglegndum. Félagsmenn tóku einnig þátt í öðrum mótum Íslandsgöngunnar.
• Barnastarfið var með blóma og mættu að meðaltali 10 krakkar á hverja æfingu.  Æfingar voru einu sinni í viku,  á laugardögum kl 13:00 í umsjón Hólmfríðar Völu, alls 9 æfingar. Undir merki Ullar kepptu 22 börn á Andrésar leikunum á Akureyri í apríl.
• Talsvert var unnið með starfsmönnum Bláfjalla að því að bæta lagningu skíðaspors og um Páska var meðal annars lagt spor vestur í Grindaskörð.
• Formaður var fulltrúi félagsins á Skíðaþingi 23. og 24. maí.
• Hjólaskíðaæfingar voru að venju stundaðar yfir sumarið og fram eftir hausti en þó líklega ekki eins markvisst og árið á undan.
• Mannvirkjanefnd fjallaði um skipulag skíðasvæðisins í Bláfjöllum. Stjórn félagsins ásamt mannvirkjanefnd SKÍ sendi þann 8. maí til stjórnar skíðasvæða Höfuðborgarsvæðisins tillögur um úrbætur fyrir skíðagöngufólk, er vörðuðu þjónustuhús, vökvaspora, brautakerfi, heimasíðu skíðasvæðanna og skíðaleigu.

 

Þann 28. júlí var ÍTR skrifað og þar lögð áhersla á bættar merkingar skíðaspora svo og óskað eftir afnotum af húsi sem kunnugt var að væri að losna við bílastæði ÍR og Víkings. Beiðnin um húsið var ítrekuð með tölvupósti 6. nóvember og barst þá svar samdægurs frá Ómari Einarssyni, framkvæmdastjóra ÍTR þar sem tekið var fram að Ullur gæti fengið afnot af húsinu, en félagið ætti að annast flutning og sækja um öll tilskilin leyfi. Þann 3. ágúst fór formaður í vettvangssskoðun með fulltrúum Umhverfisstofnunar, ráðgjafastofunnar Landslags, er vinnur að deiliskipulagi og Magnúsi Árnasyni framkvæmdastjóra skíðasvæðanna þar sem hugmyndir Ulls um landmótun fyrir spor og staðsetningu hússins voru kynntar. Einnig fór formaður í með Birgi Sigurðsson sviðsstjóra umhverfis- og skipulagssviðs Kópavogsbæjar upp í Bláfjöll og kynnti honum hugmyndir okkar.

 

Stjórn skíðasvæðanna var mjög ánægð með framtak Ulls og bar Magnús Árnason þau skilaboð til Ulls að óskað væri eftir tillögum félagsins um lagningu varanlegrar brautar fyrir spor í Skálafelli. Daníel Jakobsson var i forsvari fyrir því verkefni sem komið er af stað.

 

Merkingar skíðaleiða voru einnig bættar og á Árni Tryggvason hönnuður og Ullungur heiður að þeim.

 

• Þann 2. september var hjólaskíðakynning við Víkingsheimilið í Fossvogi og fengu 7 byrjendur tilsögn.
• Þann 6. september hittust 6 félagsmenn i Bláfjöllum og hreinsuðu grjót af allt að 10 m breiðu svæði á hring umhverfis Leirurnar og settu upp eina snjógirðingu, sem hefur sannað sig. Síðar var farið með vinnuvél á vegum skíðasvæðisins, stórgrýti fjarlægt og svæðið sléttað en frekar, en frekari vinnu er þörf. Þetta varð til þess að mun fyrr en ella var hægt að leggja spor á svæðinu.
• Þann 27. september var haldið hjólaskíðamót í Fossvogsdal og tókst það með ágætum, keppendur voru 12 og styrktaraðilar Núpur á Ísafirði og Bókaútgáfan Fjölvi.
• Keypt voru 100 númeravesti til notkunar í keppnum.
• Unnið var að gerð merkis fyrir félagið og var það í höndum Árna Trygvasonar.
• Styrkur að upphæð 150.000 fékkst frá Menntamálaráðuneytinu til uppbyggingar skíðagöngu og voru m.a. keyptir tveir smurbekkir og straujárn svo og skíði fyrir börn.
• Fundað var með forsvarsmönnum í Heiðmörk um lagningu um 8 km brautar fyrir skíðaspor sem áætlað er að verði tilbúin fyrir haustið 2010 en e.t.v. fyrr.
• Fræðslunefnd fundaði tvisvar sinnum fyrir áramót og skipulagði námskeið fyrir veturinn 2009.
• Mótanefnd sá um framkvæmd Bláfjallagöngu og hjólaskíðamóts og hefur unnið að úrbótum er varða m.a. tímatöku.

  

Stjórnin þakkar nefndafólki og öllum félagsmönnum sem lagt hafa hönd á plóginn óeigingjarnt starf í þágu félagsins.

Aðalfundur Skíðagöngufélagsins Ulls á miðvikudaginn

 

Aðalfundur Skíðagöngufélagsins Ulls verður haldinn í fundarsal ÍBR í Laugardal, miðvikudaginn 15. apríl kl. 20.

 

Málefni sem félagar óska eftir að tekin verði fyrir á fundinum skulu hafa borist stjórn minnst viku fyrir aðalfund.  Mál sem berast eftir að sá frestur er liðinn verða ekki tekin fyrir nema 2/3 fundarmanna samþykki það.  Rétt til fundarsetu með öllum réttindum hafa  skuldlausir félagar.

 

Dagsskrá aðalfundar:

 

1.         Fundarsetning.

2.         Kosnir fundarstjóri og fundarritari.

3.         Lögð fram ársskýrsla stjórnar fyrir liðið starfsár og umræða um hana.

4.         Lagðir fram endurskoðaðir ársreikningar, umræða og atkvæðagreiðsla.

5.         Fjárhagsáætlun næsta starfsárs.

6.         Lagabreytingar ef fyrir liggja.

7.         Kosin stjórn:

a)  kosinn formaður

b)  kosnir fjórir aðalstjórnarmenn

c)  kosnir tveir varamenn í stjórn

d)  kosinn skoðunarmaður og annar til vara.

10.       Aðrar tillögur sem borist hafa til stjórnar.

11.       Önnur mál.

12.       Fundarslit.