Vinnuhelgi í Bláfjöllum, verkefnaskrá

Sæl, öll. Verkefnin verða í megin atriðum eftirfarandi.

1. Fúaverja húsið.

2. Lagfæra snjógirðinguna og bæta við hana annarri einingu.

3. Framhald grjóthreinsunar úr skíðasporssvæði.

4. Tína upp spítur/drasl og taka niður gömul ónýt skilti á skíðaleiðum.

5. Ljúka við að bræða í skíðin sem voru keypt í fyrra.

6. Borða nesti og ræða um húsið og hvaðeina sem starf okkar varðar.

Fúavarnarefni og áhöld verða á staðnum, gott að 2-3 láti vita hér að þeir komi með tröppu/stuttan stiga, grófa garðhrífu, malarskóflu og 1-2 hjólbörur. Hafið líka hamar í skottinu,vinnuvettlinga, nesti og gamla skó.

Vinnan hefst kl 10 á laugardagsmorgun og það fer eftir mætingu og veðri hvað við verðum lengi frameftir (15-16) og hvað hver og einn hefur tíma aflögu.

Þóroddur F.

Athugasemdir

[vala (IP-tala skráð) 14.8.2009 kl. 08:08]

við mætum.  Reyni að troða hjólbörum og skóflum í bílinn.

kv. vala og dj

[Þóroddur (IP-tala skráð) 14.8.2009 kl. 12:47]

Hugsanlegt er að við getum ekki borið seinni umferð á húsið fyrr en á sunnudaginn.

Gott væri að frétta af fleirum sem ætla að koma og hvað af tólum þeir geta komið með.

Þóroddur F.

[Árni Tryggvason (IP-tala skráð) 14.8.2009 kl. 15:24]

Vonandi get ég litið eh. við. Var svona hálfpartinn búinn að segjast ætla að hjálpa til við að setja gamla skálann við Tindfjallajökul niður á sinn gamla stað aftur, en sú framkvæmd verður einmitt á morgun. Reyni samt að láta sjá mig í Bláfjöllum og „redda verkinu“ að vanda. :o)

kv. Árni Tr.

[Eiríkur (IP-tala skráð) 14.8.2009 kl. 20:58]

Kemst ekki fyrr en undir hádegi, en mæti þá með tröppu, skóflu og eitthvað af verkfærum.

 Kv. Eiríkur.

[Hrefna (IP-tala skráð) 14.8.2009 kl. 23:56]

Hæ! Ég mæti líklega með mínu fólki uppúr hádegi.

[Þóroddur (IP-tala skráð) 15.8.2009 kl. 22:10]

Þetta gekk bara vel í dag og á morgun er ætlunin að bera aðra umferð á húsið, byrjum kl 10 í fyrramálið.

Þóroddur