Buchgangan 2009

Buchgangan 2009  fer fram næstkomandi laugardag, 28. mars.  Gangan er liður í Íslandsgöngu Skíðasambands Íslands og fer fram á Reykjaheiði fyrir ofan Húsavík.  Keppni hefst klukkan 14:00, en gangan fyrir 12 ára og yngri hefst kl 13:30.

 

Boðið er upp á fjórar vegalengdir, 20 km, 10 km, 5 km, og 1 km fyrir 12 ára og yngri. Að móti loknu gefst fólki kostur á að fara í sturtu í íþróttahúsinu og þar fer einnig fram verðlaunaafhending, ásamt því að boðið verður upp á veitingar. Hægt verður að skrá sig á netfanginu [e-mail] Þetta netfang er varið fyrir ruslrafpósti, þú þarft að hafa Javascript virkt til að skoða það eða í síma 898-8360 (Sigurgeir) og  660-8844 (Kári Páll).

Einnig er hægt að skrá sig á staðnum frá kl.12:00 til 13:15. Þátttökugjald er kr. 2.000 fyrir 16 ára og eldri og kr. 500 fyrir 15 ára og yngri.

 

Keppt verður í eftirfarandi flokkum:

Íslandgangan 20km: Karlar og konur 16-34 ára, 35-49 ára og 50 ára og eldri.

10 km: Karlar og konur.  

5 km: Karlar og konur.

1 km: Börn 12 ára og yngri.

Athugasemdir

[Gerður Steinþórsdóttir (IP-tala skráð) 23.3.2009 kl. 10:59]

Stefni á Buchgönguna um næstu helgi og þætti gott að vita um fleiri sem fara. Gerður Steinþórsdóttir, Ullungur, Reykjvík, s. 8648944/5513603

[Hrefna (IP-tala skráð) 23.3.2009 kl. 18:16]

Ég fer ekki, verð að vinna þessa helgi. Held bara áfram að hlakka til Fossavatnsins!

[Guðmundur Arnar (IP-tala skráð) 25.3.2009 kl. 21:54]

Kemst ekki norður þessa helgi. Ætla að mæta í Fossavatnið.

Gangi ykkur vel á Húsavík.

Kveðja Guðmundur Arnar

[Gerður Steinþórsdóttir (IP-tala skráð) 30.3.2009 kl. 09:21]

Buchgangan 28. mars 2009 og stutt æviágrip Buch, sem stofnaði skíðaskóla á Húsavík.

Það var rok á Reykjaheiði fyrir ofan Húsavík og því gangan færð í Aðalhraun fyrir sunnan flugvöllinn, en hraunið er kjarri vaxið. Þar hafði verið lögð 5 km braut. Þátttakendur voru alls 52 og tóku flestir þátt í 20 km, eða 32 talsins. Fjórir Ullungar voru mættir; Þórhallur Ásmundsson, Vilborg Guðmundsdóttir og Gísli gleðigafi Óskarsson, auk mín. Eiríkur skipstjóri Sigurðsson, sem er Húsvíkingur, var reyndar skráður Ullungur, en ekki alveg sáttur við það. - Töluvert frost var en í  hrauninu var gott skjól og brautin glögg.

Á eftir var kaffi og meðlæti í íþróttahúsinu og þar fór fram verðlaunaafhending. Sævar Birgisson frá Ísafirði var  sigurvegari. Ég spurðist fyrir um Buch sem gangan er kennd við. Hann var Norðmaður og hét Nikulas Buch (1766 - 1806). Hann kom til Íslands um 1790 þegar fyrstu hreindýrin voru flutt hingað til lands. Hann settist að á Húsavík og stofnaði þar fyrsta skíðaskóla landsins. Þá sögu heyrði ég að hann hefði farið upp á Húsavíkurfjall og rennt sér niður af því. Húsvíkingar undruðust mjög að hann skyldi koma standandi niður. Árið 2005 var ákveðið að ein af Íslandsgöngunum yrði á Húsavík. Þá var það að Vilhjálmur Pálsson íþróttakennari kom með þá hugmynd að gangan yrði kennd við Buch.

Þá er Fossavatnsgangan eftir en hún er hápunktur Íslandsgöngunnar.