Skíðafæri, æfingar og mót

Skíðafæri til skíðagöngu er stórfínt í Bláfjöllum og hefur bætt talsvert við snjó síðan á sunnudaginn.

Veðurspá er þokkaleg, mun snjóa meira og gæti síðan orðið ágætis veður á laugardaginn og er þá um að gera að fjölmenna í fjöllin. Á sunnudag er spá ekki jafn góð en það gerir ekkert til því þá reyna líklega flestir að rífa sig upp fyrir 07 og horfa á Vasagönguna, milli þess sem gerðar eru magaæfingar og armbeygjur.

Um aðra helgi er Íslandsgangan á Hólmavík og væri gaman ef við gætum fjölmennt og upplagt að ræða saman og raða í bíla hér á síðunni. Sumir ætla á föstudagskvöld vestur og eru að skoða gistingarmöguleika.

Síðan er stefnt að Reykjavíkurmóti 21. mars, Íslandsgöngu á Húsavík 28. mars og að lokum er Fossavatnsgangan 2. maí svo það er að nógu að stefna.

Útsaumað merki félagsins er komið og verður til sölu en upplagt er að sauma það í fatnað.

Húsið í Bláfjöllum veður opið fyrst um sinn þegar lykilmenn verða á svæðinu en lyklum er að fjölga, lítið endilega þar við´t.d. á laugardaginn og ræðum um hverngi við viljum nýta húsið og hvað okkur vantar þar inn.

Þóroddur F.

Athugasemdir

[S (IP-tala skráð) 26.2.2009 kl. 12:51]

Gistimöguleikar á stór Hólmavíkur svæðinu eru.

Gistiheimilið Kirkjubóli, strandir.is/kirkjubol , Steinhúsið á Hólmavík, steinhusid.is , Bær á Selströnd ferðaþjónusta, this.is/baer, Malarhorn Drangsnesi, strandir.is/malarhorn , Gistiþjónusta Sunnu, drangsnes.is/sunna  og Hótel Laugarhóll Bjarnafirði, strandir.is/laugarholl , Gistiheimilið Hólmavík

Endilega komið sem flest og verið velkomin í Strandagönguna 

[vala (IP-tala skráð) 27.2.2009 kl. 10:35]

Við Daníel ráðgerum að fara á Hólmavík.  Eru ekki fleiri sem ætla?

kv. vala

[Þóroddur (IP-tala skráð) 27.2.2009 kl. 13:43]

Jú ég og Gerður nefndi það um daginn líka.

[Hrefna (IP-tala skráð) 27.2.2009 kl. 14:16]

Ég ætla líka að fara.

[Björk Sigurðardóttir (IP-tala skráð) 28.2.2009 kl. 11:20]

Ég hef áhuga á að fara á Hólmavík ef ég get fengið far með einhverjum og ef ég þarf ekki að fara lengstu vegalengd í keppninni!  Gummi er í gifsi og kemst því ekki.