Skíðaspor komið í Heiðmörk og á golvöllinn í Garðabæ

Samkvæmt heimasíðu Heiðmerkur var verið að troða gönguskíðabraut í Heiðmörk. Hringurinn byrjar við Helluvatn og sem leið liggur upp á Elliðavatnsheiði og tilbaka sunnan við Myllulækjartjörn.

Samkvæmt heimasíðu GKG hefur verið troðin skíðagöngubraut um golfvöllinn og er hún Garðabæjarmegin á landi GKG. Hægt er að leggja bílum við golfskálann eða æfingasvæðið og skemmta sér með skíðagöngu á meðan snjórinn dugar.

Verið er að kanna möguleika á að fá að spora á Korpúlfsstaðavelli.

Er einhver með vélsleða og gæti farið út með spora?

Þóroddur F.

Athugasemdir

[Þóroddur F. (IP-tala skráð) 29.1.2009 kl. 13:08]

Setjið hér inn fréttir úr sporunum, eða hringið í einhvern stjórnarmeðlim (ég 861 9561) sem setur þá uppl. inn.

ÞFÞ

[Þóroddur F. (IP-tala skráð) 29.1.2009 kl. 18:51]

Fór í sporið á golfvellinum í Garðabæ, það var allt í lagi, sporinn hafði verið dreginn með fjór/sexhjóli og því var þjöppun fyrir stafina ekki sem best en jörðin vel frosin undir snjónum.  Hitti 4 Ullunga.

Þóroddur F.

[Skíðagöngufélagið Ullur, 29.1.2009 kl. 21:11]

Já endilega að koma upplýsingum um Spor inn á síðuna hjá okkur svo að maður viti hvar eru spor.

Þyrfti eiginlega að fara inn á skíðasvæðin líka. En bara svo að það sé á hreinu þá eru aðstæður í Mt. Blue frábærar og enginn ætti að láta slíkt fara fram hjá sér.

P.s. ég á Spora en ekki sleða. þarf ekki Ulllur bara að kaupa einn slíkan

dja

[Hólmfríður (IP-tala skráð) 29.1.2009 kl. 21:30]

Fórum í Garðabæinn. Fínn hringur 1,7 km, en kannski ekki fyrir spari skíðin.

Fríða

[Björk Sigurðardóttir (IP-tala skráð) 30.1.2009 kl. 23:46]

Er raunhæft að leggja spor í Fossvogsdalnum? 

Þá á ég við ef snjósleði yrði keyptur og snjór væri til staðar.