engin snjór, nægur snjór og lærbrot.

Síðustu fréttir herma að það sé klaki í Bláfjöllum og ekki skíðafært.  Við  fréttum hins vegar af því að nægur snjór væri á Sauðárkrók og troðin braut.  Ef einhverjir eru skíðaþyrstir er um að gera að skella sér í 3klst bíltúr og taka góða æfingu á Króknum og fá sér svo hammara áður en haldið er heim.  Þeir sem huga á dagsferð og vilja félagsskap þá endilega látið vita hér á síðunni. 

Skarphéðinn vinur okkar og Ullungur lenti í óhappi í síðustu viku er hann datt á hjólaskíðum og lærbrotnaði.  Hann má ekki stíga í fótinn í 2 mánuði og því er Vasaferðin hans fokin út um gluggann.  Ef einhver hefur áhuga á að kaupa Vasanr á gamla genginu þá látið í ykkur heyra.  Við sendum Skarphéðni batakveðjur og vonum að hann verði sem nýr þegar snjóa leysir í vor og helst fyrr.

Athugasemdir

[Einar Yngva (IP-tala skráð) 26.11.2008 kl. 22:24]

Þetta er leitt að heyra með hann Skarphéðinn.  Við sendum honum batakveðju héðan að Vestan Einar og Emma.

[Gunnar Þ. (IP-tala skráð) 27.11.2008 kl. 18:58]

Það verður örugglega nægur snjór í Tindastól eftir óveðrið í dag.  Það er vissara að hringja á undan sér í skíðaskálann og biðja um að braut sé troðin, þeir eru ekki alltaf að hafa fyrir því ( s. 4536707 )

[Hrefna Katrín Guðmundsdóttir, 27.11.2008 kl. 20:11]

Vildi bara senda batakveðjur til Skarphéðins! Ég vona að þú náir þér fljótt og vel.

[Björk Sigurðardóttir (IP-tala skráð) 27.11.2008 kl. 23:28]

Góð hugmynd að samnýta bílana á krepputímum.  Ég kemst þó ekki í þetta skiptið. 

Hafi ég verið með drauma um að geta staðið í lappirnar á hjólaskíðum þá eru þeir draumar farnir út í veður og vind eftir að fréttist af lærbroti hjá Skarphéðni.  Frúin verður þá að dæla í hann myndböndum með gönguskíðatrixum.  Ég sá ekki betur en að heimsmeistararnir á námskeiðinu í Fossavatnsgöngunni tækju þetta allt á  tækninni, -sinni eigin tækni.  Hoppa nógu mikið upp í loft og svona.  Sjálf fékk ég stærsta mar ævi minnar í fyrstu hjólaskíðaferð minni, -í kyrrstöðu áður en lagt var af stað!  Marðist frá úlnlið að öxl.  Hef bara farið hálfa ferð síðan og er þakklát fyrir að vera ekki í sporum Skarphéðins.  Bestu batakveðjur.

Björk Sigurðardóttir