Íslandsgangan-Bláfjallagangan

Ágæta skíðafólk 

Laugardaginn 9. febrúar heldur Skíðagöngufélagið Ullur, Bláfjallagönguna, sem er liður í Íslandsgöngu Skíðasambands Íslands. Gangan fer fram í Bláfjöllum og hefst klukkan 13:00 við Suðurgil. Skráning fer fram í Ármannsskála við Suðurgil og hefst  klukkan 11:00 og lýkur 12:30. Aðstaða skíðamanna verður í Ármannsskála.  Verðlaunaafhending og kaffiboð verður í Fylkishöllinni að Fylkisvegi 6 í Reykjavík (rétt við Árbæjarlaug). Hefst hún kl.16:30.  Þar verður hægt að komast  í sturtu áður en verðlaunaafhendingin hefst.             

Keppt verður í eftirfarandi flokkum:   

Íslandsgangan 20 km. Karlar og konur 16-34 ára, 35-49 ára og í flokki 50 ára og eldri. Þátttökugjald er 1.500 krónur                        

Skíðatrimm 10 km.  Karlar og konur 13-16 ára, 17-49 ára og í flokki 50 ára og eldri. Þátttökugjald er 1000 krónur                                                           

Skíðatrimm 5 km. Karlar og konur  12 ára og yngri, .13-16 ára og 17 ára og eldri . Þátttökugjald er 1000 krónur                        

Skíðatrimm 1 km. Yngri en 12 ára. Ekkert þátttökugjald.

Forskráning er til hádegis á föstudag 8. feb. Hægt er að skrá sig með því að senda póst, á netfangið:[e-mail] og greiða þáttökugjaldið inná reikning nr. 600707-0780 - nr. 0117-26-6770 og setja nafn eða kennitölu + keppnisflokk í skýringu.  Mælum með forskráningu til að auðvelda undirbúning. Allar frekari upplýsingar á http://www.skidagongufelagid.blog.is/blog/skidagongufelagid og í síma 821-7374, Vala. Á vef Skíðagöngufélagsins Ulls verða upplýsingar um veðurhorfur og færi frá föstudegi 8. febrúar.

Með von um að sjá sem flesta í Bláfjöllum.

f.h. Skíðagöngufélagsins Ulls

Þóroddur  F. Þóroddsson

Athugasemdir

[Hrefna (IP-tala skráð) 2.2.2008 kl. 20:57]

Hæ hæ! Þetta hljómar vel, ég yrði svo sannarlega með í göngunni ef ég væri ekki stödd í Osló og yrði þar næstu vikurnar. En ég stefni nú að góðri skíðaferð á Bláfjallagöngudaginn :) Gangi ykkur vel með skipulagið og í göngunni sjálfri!

Kveðja frá Osló,

Hrefna Katrín Guðmundsdóttir

[Einar Yngva (IP-tala skráð) 3.2.2008 kl. 18:11]

Ég var að lesa textan hér fyrir ofan og tók hvergi eftir hvað þáttökugjaldið væri??

[Kári Jóh. (IP-tala skráð) 3.2.2008 kl. 19:59]

20 km =1500 kr. og þúsundkall fyrir 5 og 10 km

[Einar Yngva (IP-tala skráð) 4.2.2008 kl. 21:27]

Það koma einhverjir héðan að Vestan:

Í flokki 35 -49 ára. Einar Yngvason. Heimir Hansson. Kristbjörn Sigurjónsson og Gunnar Sigurðsson,

[hólmfríður vala (IP-tala skráð) 5.2.2008 kl. 19:10]

Nokkrir ísfirðingar búnir að skrá sig, fáir frá Akureyri en engin frá Ullungum...

kv. Vala

[bobbi (IP-tala skráð) 7.2.2008 kl. 08:10]

Þó veðurspáin sé ekki glæsileg þá vona ég að þið náið að halda þetta fyrsta mót í Rvík í langan tíma. Við höfum verið í vandræðum með að fá heimafólk til að skrá sig í mótin hér heima tímanlega svo auðveldara sé að skipuleggja mótin. En því miður þá gengur það brösulega, ég hvet þessvegna alla til að skrá sig tímanlega í öll mót, þú skráir þig ekki í Vasa 10 mín fyrir keppni.  Tökum upp betri háttu og skráum okkur í tíma.

Kveðja, Kristbjörn (Bobbi)

[Einar Yngva (IP-tala skráð) 7.2.2008 kl. 21:10]

Það lítur því miður illa út með ferðaveðrið fyrir okkur Ísfirðinga og mér sýnist 10 stk. ætla að mæta suður.  Vonandi rætist þó úr þessu.

p.s. Ætli Bobbi sé búinn að skrá sig?