Strandagangan 13. mars 2010, spáð hlýju 6 m/s og rautt klístur

 

Strandagangan verður haldin í Selárdal laugardaginn 13. mars 2010 Keppt verður í eftirfarandi flokkum: 

Stelpur/Strákar 1 km. Konur/Karlar 5 km eða 10 km.   

20 km Íslandsgangan þar er flokkaskipting:                        

Konur/Karlar 16-34, 35-49 og 50 ára og eldri. 

Ræst verður í 1 km gönguna kl. 12.20 og í aðrar vegalengdir kl. 13.00.    1 km gangan er eingöngu ætluð keppendum 10 ára og yngri.  Þrír fyrstu keppendur í hverjum flokki og vegalengd fá glæsilega bikara og aðrir fá viðurkenningarpening fyrir þátttökuna.  Kaupfélag Steingrímsfjarðar Hólmavík styrkir gönguna með kaupum á  verðlaunagripum.  Sá sem er fyrstur í mark í 20 km. göngunni hlýtur að launum veglegan farandbikar sem gefinn var af Heilbrigðisstofnun Hólmvíkur til minningar um Sigfús Ólafsson heimilislækni.  Einnig verður keppt í sveitakeppni í öllum vegalengdum.  Sveitakeppnin fer þannig fram að 3 einstaklingar í sömu vegalengd mynda lið og gildir samanlagður tími þeirra í sveitakeppninni.  Þrjár efstu sveitirnar í hverri vegalengd fá verðlaunapeninga fyrir sæti.  Skráning fer fram á staðnum milli kl. 11.30-12.20, en til að auðvelda vinnu við skráningu geta menn sent skráningar og fyrirspurnir á netfangið [e-mail], eða í síma: 8933592 (Ragnar) eða 8921048 (Rósmundur).  Þátttökugjald er kr. 2.000 fyrir 16 ára og eldri og kr. 500 fyrir 15 ára og yngri. 

Athugasemdir

[Þuríður (IP-tala skráð) 11.3.2010 kl. 18:35]

Ekki gleyma að kaffi og verðlaunaafhending er í félagsheimilinu að göngu lokinni ;)

[vala (IP-tala skráð) 12.3.2010 kl. 14:36]

Hvernig gætum við gleymt því.  Það er ástæðan fyrir því að við erum að koma

Kv. vala

[Björk Sigurðardóttir (IP-tala skráð) 12.3.2010 kl. 16:12]

Það er fyllilega þess virði að keyra alla þessa leið fyrir þessar dásamlegu veitingar.  Ég er ekki búin að gleyma veisluborðinu frá í fyrra. 

Er ákveðin í að vera í rólegu deildinni á rifflum og njóta frekar en þjóta.

Vala o.fl. sjá því um að hlaða á sig verðlaunum (og kökum) en ég  læt kökurnar nægja.  Kærar þakkir.